0 (375) 225 - 34 - 13               

 

01 / 06

QARSHI DU

QDU

QARSHI DU
02 / 06
03 / 06
04 / 06
05 / 06
06 / 06

Tabiiy fanlar fakultetida “Zakovat” intellektual o‘yini o‘tkazildi

2018-yil 5-noyabr kuni O‘zbekiston yoshlar ittifoqi Qarshi davlat universiteti boshlang‘ich tashkiloti va Tabiiy fanlar fakulteti tashabbusi bilan "Zakovat" intellektual o‘yini o‘tkazildi.

Unda Tabiiy fanlar fakultetining "Olg‘irlar", "Pikovit", "Yosh geograflar" va "Everest" jamoalari ishtirok etishdi. O‘yinda an’anaviy o‘n beshta savol o‘ynaldi hamda har bir to‘g‘ri javob uchun 1 balldan berildi. Intellektual o‘yin qoidasiga ko‘ra turli mavzuga oid savollar taqdim etiladi, vaqtni nazorat qilish uchun taym-kipper tayinlanib, javoblar yozma holda topshiriladi, javob yozib bo‘lingach, jamoa a’zosi tarafidan javob yozilgan javob varag‘i yuqoriga ko‘tariladi, har bir  jamoada bitta sardor bo‘lishi kerak. Qizg‘in ruhda bo‘lib o‘tgan o‘yin yakunida "Pikovit" jamoasi 8 ball to‘plab 1-o‘rinni, "Olg‘irlar" jamoasi 7 ball to‘plab 2-o‘rinni, "Everest" va "Yosh geograflar" jamoasi 4 ball to‘plab 3-o‘rinni qo‘lga kiritishdi. G‘oliblar hamda barcha qatnashchilarga fakultet ma’muriyati va O‘zbekiston yoshlar ittifoqi Qarshi davlat universiteti boshlang‘ich tashkiloti kengashi tomonidan faxriy yorliq va diplomlar topshirildi.

 

________________________________________________________________

© Qarshi davlat universiteti  www.qarshidu.uz 

________________________________________________________________