Nasafiylar ilmiy–ma’naviy merosining jahon sivilizatsiyasida tutgan o‘rni

29-Noyabr 2025, 06:58
Universitet yangiliklari

14—15-noyabr kunlari Qarshi davlat universiteti huzuridagi Abul Mu’in an-Nasafiy ilmiy-tadqiqot markazi tomonidan “Nasafiylar ilmiy–ma’naviy merosining jahon sivilizatsiyasida tutgan o‘rni” mavzusida xalqaro ilmiy-amaliy konferensiya bo‘lib o‘tmoqda. Anjumanda O‘rta asrlarda Qashqadaryo vohasining ijtimoiy-iqtisodiy hayoti, shaharsozlik va urbanizatsiya jarayonlari, Nasafiy allomalari ilmiy-merosi, Abul Mu’in Nasafiy moturidiya ta’limoti va zamonaviy tarixiy tadqiqotlar kabi yo‘nalishlar muhokama qilinmoqda. Konferensiya o‘zbek, rus va ingliz tillarida bo'lib, ishtirokchilar bevosita universitet muzeyida yoki ZOOM platformasi orqali masofadan qatnashishmoqda. Yalpi majlis va sho‘ba yig‘ilishlarida professorlar va ilmiy xodimlar o'z ma’ruzalarini taqdim etib, munozaralarda qatnashmoqda. Konferensiya materiallari ilmiy to‘plam shaklida ishtirokchilarga yuboriladi.