“Korrupsiyani emas, bilimni tanla!” videorolik tanlovi g‘oliblari aniqlandi

Qarshi davlat universitetida talaba-yoshlarda korrupsiyaga qarshi murosasiz munosabatni shakllantirish, ularning huquqiy ongi va madaniyatini oshirish maqsadida “9-dekabr – Xalqaro korrupsiyaga qarshi kurashish kuni” doirasida Aksilkorrupsiya oyligi tadbirlari o‘tkazilmoqda. Mazkur doira tadbirlari davomida fakultetlar kesimida “Korrupsiyani emas, bilimni tanla!” mavzusida “Eng yaxshi videorolik” nominatsiyasi bo‘yicha tanlovning universitet bosqichi yakunlandi. G‘olib va sovrindorlar quyidagicha taqdirlandi:

1-o‘rin – Pedagogika fakulteti, Psixologiya yo‘nalishi, 4-bosqich talabasi Yo‘ldosheva Fotima Orol qizi – 1 600 000 so‘m;

2-o‘rin – Xorijiy tillar fakulteti, Filologiya va tillarni o‘qitish (fransuz tili) yo‘nalishi, 3-bosqich talabasi Yo‘ldosheva Sarvara Qudrat qizi – 1 300 000 so‘m;

3-o‘rin – Tibbiyot fakulteti, Davolash ishi yo‘nalishi, 2-bosqich talabasi Tilloyev Shaxboz Shukurullayevich – 1 000 000 so‘m.

G‘oliblarga diplomlar topshirildi, tanlovda faol ishtirok etgan talabalarga esa tashakkurnomalar taqdim etildi.