Bo’lim boshlig’i: katta o‘qituvchi

Toshev O'tkir Jumayevich

Telefon: (+99891) 561-17-04

Elektron manzil: qardu_magistr@edu.uz

Qarshi davlat universiteti magistratura mutaxassisliklari to‘g‘risida ma’lumot.

Universitetda magistratura bo‘limi 2001-2002 o‘quv yilidan boshlab faoliyat ko‘rsata boshlagan. Hozirda universitetda 19 ta mutaxassisliklar bo‘yicha talabalar tahsil oladilar.

Magistraturada o‘quv jarayoni yuqorida qayd etilgan barcha mutaxassisliklar bo‘yicha O‘zbekiston Respublikasi Oliy va o‘rta maxsus ta’lim vazirligining 2017 yil 24 avgustda 603-son buyruq bilan tasdiqlangan malaka talablari va 2018-2019 o‘quv yillarida tasdiqlangan namunaviy o‘quv rejalari, Universitet Ilmiy Kengashida muhokamadan o‘tgan va (03.09.2018 va 03.09.2019 yil) tasdiqlangan ishchi o‘quv rejalari hamda o‘quv jarayoni jadvallari asosida tashkil etilgan. 

Magistratura mutaxassisliklarini tayyorlashda kafedra professor-o‘qituvchilarining ilmiy salohiyatlari ham e’tiborga olingan. Hozirda magistratura talabalariga 23 nafar fan doktori professorlar hamda 58 nafar fan nomzodi dotsentlar faoliyat ko‘rsatadilar. Har bir mutaxassislikka buyurtmalar berishda shu mutaxassisliklar bo‘yicha fan doktorlari va fan nomzodlari nazarda tutilgan.Magistratura mutaxassisliklari Qashqadaryo viloyati va qo‘shni viloyatlarning magistratura mutaxassisliklariga bo‘lgan talab va ehtiyojlaridan kelib chiqqan holda buyurtmalar asosida tayyorlanib kelinmoqda. 

Mutaxassisliklarni tayyorlashda moddiy-texnika bazasining mavjudligi muhim o‘rin tutadi. Mutaxassislik kafedralarida va «Axborot-resurs markazida» magistratura talabalarining ilmiy faoliyatlari hamda magistrlik dissertatsiyalarini tayyorlashda internet tarmog‘iga ulangan . 

Magistratura bo‘limining Ilmiy Kengashida tasdiqlangan yillik va istiqbolli rejalari mavjud. Yillik rejada o‘quv jarayonini tashkil etish, ilmiy-tadqiqot va ma’naviy-ma’rifiy va tarbiyaviy ishlar o‘z aksini topgan. Istiqbolli rejada magistratura mutaxassisliklari bo‘yicha darsliklar, o‘quv qo‘llanmalar, tarjima qilingan o‘quv adabiyotlari, ma’ruza matnlari, masalalar to‘plami, laboratoriya bo‘yicha uslubiy ko‘rsatmalar va boshqalar o‘z aksini topgan. 

Magistr chiqaruvchi kafedralar professor - o‘qituvchilarning darslik va o‘quv qo‘llanmalar yaratish bo‘yicha rejalari mavjud. Yangi talablar asosida tuzilgan ma’ruza matnlari, o‘quv-uslubiy majmualar ham tayyorlangan. Ma’ruza matnlarini tayyorlashda asosan ilmiy-tadqiqot natijalariga asoslangan ma’lumotlardan foydalanilgan. 

Qarshi davlat universitetida hozirgi vaqtda 19 ta mutaxassislik bo‘yicha 110 nafar (1kurs 55 nafar davlat granti, 55 nafar to‘lov -kontrakt, 2-kurs 14 nafar davlat granti, 66 nafar to‘lov-kontrakt) magistrantlar tahsil oladi. Magistratura mutaxassisliklariga universitetda ilmiy salohiyatga ega bo‘lgan professor o‘qituvchilar ilmiy tadqiqot ishlariga va magistrlik dissertatsiyalariga rahbarlik qiladilar. 

Vazirlar Mahkamasining 2015-yil 2-martdagi 36-son qarorida Magistratura to‘g‘risidagi Nizom tasdiqlangan. 

Ushbu Nizom O‘zbekiston Respublikasining “Ta’lim to‘g‘risidagi” va “Kadrlar tayyorlash Milliy dasturi to‘g‘risidagi qonunlari, O‘zbekiston Respublikasi Prezidentining “Oliy malakali ilmiy va ilmiy pedagog kadrlar tayyorlash va attestatsiyadan o‘tkazish tizimini yanada takomillashtirish to‘g‘risida” 2012 yil 24 iyuldagi PF-4456-son Farmoni, O‘zbekiston Respublikasi Vazirlar Mahkamasining “O‘zbekiston Respublikasi oliy ta’lim tizimida magistratura faoliyatini yanada takomillashtirish. Uning samaradorligini oshirish chora tadbirlari to‘g‘risida” 2007 yil 10 sentabrdagi 190 qaroriga muvofiq magistratura faoliyatini yanada takomillashtirish va samaradorligini oshirish, kadrlar tayyorlash sifati va ularning raqobatbardoshligini kuchaytirish maqsadida ishlab chiqilgan va oliy ta’lim muassasalarida magistrlar tayyorlashning asosiy qoidalari va tartibini, umumqabul qilingan xalqaro standartlarga binoan magistrlik dissertatsiyasi mazmuni va sifatiga qo‘yiladigan mezonlar va talablarni belgilaydi. 

Bundan tashqari Oliy va o‘rta maxsus ta’lim vazirligining 2015 yil 11 avgustda 291-sonli xatida “ZiyoNET” tarmog‘ini axborot resurslari bilan boyitib borish to‘g‘risidagi buyrug‘ida Magistratura bosqichida tahsil olayotgan magistrantlar dissertatsiya himoyasidan 30 kun avval “ZiyoNET”axborot ta’lim portalida ilmiy maqolalarni yoritilishini ta’minlash topshirilgan. Shu sababli har yili magistrantlar magistrlik dissertatsiyalarini himoya qilishlaridan oldin o‘zlarining dissertatsiya mavzulari bo‘yicha chop ettirgan maqolalarini “ZiyoNET” tarmog‘iga joylashtirib boradilar. 

Ushbu 2019-2020 o‘quv yilidan boshlab magistraturada yangi 4ta magistratura mutaxassisliklari ochildi, bular 5A120102-Lingvistika (o‘zbek tili),5A130202-Amaliy matematika va axborot texnologiyalari, 5A230110-Demografiya.Mexnat iqtisodiyoti, 5A140203-Geliofizika va quyosh energiyasidan foydalanish. Bundan tashqari ushbu o‘quv yilida QarDU-BelDU Lingvistika (roman-german tillari) qo‘shma ta’lim dasturi asosida 3 nafar talaba talabalikka qabul qilindi.

• < Avvalgi
• Keyingi >