Профилактик тадбир

Университет профилактика инспектори, капитан М.Жаббаров Хорижий тиллар, Математика ва компьютер илмлари, Тиббиёт, Физика ва Тарих факультетларининг биринчи босқич талабалари билан учрашди. Дастлаб, инспектор ўзини таништириб, фаолият йўналишлари ҳақида сўз юритди. Учрашувлар давомида университетнинг Одоб-ахлоқ кодекси ва ички тартиб-қоидалари ҳақида маълумот берилди. Шунингдек, кибержиноятчилик, ҳуқуқбузарлик, гиёҳвандлик, экстремизм ва терроризм каби салбий иллатлардан огоҳ бўлиш, ҳушёрликни қўлдан бермаслик зарурлиги таъкидланди. Талабаларда ахборот хуружларига қарши мафкуравий иммунитетни шакллантириш, ватанпарварлик туйғуларини юксалтириш муҳим вазифа экани алоҳида қайд этилди.